All Type Jokes

एक दाँतवे (लंबे दांतो वाले) के मन में आई अक फौज में भरती हुया जावै । भरती होण पहुंच्या - पहल्यां उसकी नाप-तौल हुई, उसमें पास होग्या । फेर उसका "मैडिकल" होया, उसमें फेल हो-ग्या ।
फिर दाँतवा एक बड्डे अफसर धोरै जाकै बोल्या - साहब, मैं मैडिकल में फेल क्यूं कर दिया । साहब बोल्या - तेरे दांत घणे लाम्बे सैं ।
दाँतवे कै या बात पल्लै ना पड़ी, बोल्या - साहब, मेरे दांतां में के कमी सै ?
फौजी साहब नै सोच्या अक इस दाँतवे तैं क्यूकर पैंडा छुटाया जा । वो कुछ सोच कै बोल्या - भाई, फौज में बन्दूक अर बम की लड़ाई होवै सै, बुड़क्याँ की लड़ाई कोनी होती !!