All Type Jokes

1. आज मंगलवार है 
   तोते के बुखार है
   तोता गया डॉक्टर के 
   डॉक्टर ने लगे सुई
   तोता बोला उई उई
2. बागड़ी रे बागड़ी
   तेरी तोडूँ तागड़ी
   तागड़ी पड़ी
   ग्यारा(कीचड़) में
   बागड़ी पड्या
   चोबारा में
   चोबारे में झाँखी
   बागड़ी ने खा गी माखी
   माखी ने दिया हाग
   बागड़ी हाडे तें भाज
   
3. मीहू नाई करै कसार
   सारे भाती चलो हिसार
4. मोटि पील पताशा
   बानणी करे तमाशा
   गेल्याँ नाचे हाउ
   में बानिये का ताऊ
   ( बाणियां नु चिडाया करदे )
5. काली चिड़िया
   किल्मिचक्यूँ
   तेरी जीभ लाचामच
   किल्मिच्क्युं
   तेरी पुन्झ लाचामच
   किल्मिच्क्युं
   काली चिड़िया
   किल्मिचक्यूँ
   (ये उन बाल्कान पे कुवाह्या करदे जो माडे तोतले बोलदे | एर जब उनपे ना बोल्या जांदा तो उनका मजाक उड़ाया करदे )
6. आलूबुखारा आलूबुखारा
   कित गया था
   बेंगान की झोपडी मे
   सो रहा था
   बेंगान ने मारी लात
   रो रहा था
7. एक दूणी दो
   दो दूणी चार
   थारे घर में
   मुस्स्याँ का आचार
   ( जब किस्से बालक की खाम खा खीचनी होंदी जब चिडाया करदे )
8. बच्चे ओ बच्चे
   बच्चे ओ बच्चे
   तू बड़ा नो होइयो रे
   कददे सोवे कदे जागे
   कददे उठ उठ के यो भागे
   कदे रोवे कदे हसावे
   क्ददे चीख के सबने जगआवे
   बच्चे ओ बच्चे
   तू बड़ा नो होइयो रे
   इनने मार न सके
   इन्ने पीट न सकें
   ये लाडले सबके
   बच्चे ओ बच्चे
   तू बड़ा नो होइयो रे
   जो माँ ने मारा
   ते बाप के धोरे
   जो बाप ने मारा
   तो माँ के धोरे !!
   माँ के राज दुलारे
   बाप की आँख के तारे !!
   बच्चे ओ बच्चे
   तू बड़ा नो होइयो रे
9. में गया भाली
   दो दिन बेठा ठाली
   फेर भी मेरी बहु ना घाली
   मेरी कार आई खाली
10. ताऊ रे ताऊ , तेरी खाट के तले बिलाऊ.
11. ए बी सी डी
    कित गई थी
    डब्लू मरगया
    रोवन गयी थी

1. सांवलिया बानिया 
   गुड तोले 
   तले पपिहिया 
   पूं बोले 
   क्योँ बोले 
   भाई क्यों बोले 
   डंडी मारे 
   न्यू बोले 
   (जब हाम दुकानां आली गाल में जांदे ,तो जिस बाणीये नु चिडाना होंदा, ऊ का नाँ ले कें चिडाया करदे )
2. गादड ,गादड़ी नु बियाह्वे
   मुस्सा भात भरण जावे
   चिड़िया बियाह के गीत गावे
   लोंबाँ लाकडी चुग्गन जावे
   काग हलवा पूरी बनावे
3. ओ बेटे धारे
   तेरी माँ बेचे गुब्बारे
   तेरा बाबु फोड़े सारे
4. गुगन नाई, करे कमाई
   हूका बेच के, लावे लुगाई
5. पप्पू नाई करे सगाई
   बारा बेटे एक लुगाई
6. बारा बज गे
   बारा बज गे
   उप्पर बज गा एक
   मास्टर जी
   मन्ने छुट्टी दे दो
   भूखा मर गा पेट
   (सारी क्लास जब गाया करदी जब तफरियां का बखत हो जांदा )
7. आजा सेठ
   मिला ले पेट
   तू मेरी भाभी
   में तेरा जेठ
   (मोटे पेटले बाणियां नु चिडाया करदे )
8. तख्ती पे तख्ती
   तख्ती पे दाना
   कल की छुट्टी
   परसों आना
9. खोखंली गादड़ी
   डोले-डोले भाजरी
   एक मार्या कुत्का
   गादड़ी डेह पड़ी
   पड़ी-पड़ी नु लागी भूख
   बोली दे-दे
   मन्ने दो टूक
   टूक पे धरी मलाई
   खावे मुन्ना भाई
   (जब कोए छोट्टा बालक रोटी नि खांदा हो जब भलोया करदे )
10. कानी थी कोतरी थी
    अम्बर ने पोतरी थी
    अम्बर में लागे ढीइंढरे
    कानी चाबे लिंडरे
    (कानी भेंगी छोरियां नु चीडाया करदे यो गा के)

1. मांग्या तान्ग्या 
   कीकर पे टनग्याँ 
   कीकर पे सें शूल 
   चाटेगा धुल 
   जा कीकर पे तें तार ल्या 
   (जब अक बालक दुसरे तें किम्मे खावन की चीज माँगता हो एर ना देणा चांदा हो तो कयाह करें )
2. एक एकम एक
   तेरा बाबु गुठा टेक
   तेरी माँ गोसे बगावे
   तेरा बाबु चुग- चुग लयावे
   चुगे स तो चुगान दे
   मन्ने गण्डा चुन्घन दे
   (जब कोए बालक दुसरे धोरे दो पोरी गंडे की मांग लेन्दा जब कह्या करदे )
3. गंजा रे गंजा
   टेरम- टेर
   हाथ में खुलिया (होकी)
   बाछ्डू हेर
   बाछ्डू बड़ ग्या मोठां में
   मार गंजे के होठाँ में
   होंठ पड़े बरोली में
   गंजा पड्या खटोली में
   खटोली गई टूट
   गंजा गया रूस
   रूसे से तो रूसन दे
   मन्ने तम्बाकू कूटन दे
   (जब कोए बालक गंजा हो के आया करदा जब ऊह ने चिडान के मारे कह्या करदे )
4. एक एकम एक
   तेरा बाबु गुठा टेक
   तेरी माँ गोसे बगावे
   तेरा बाबु चुग- चुग लयावे
   चुगे स तो चुगान दे
   मन्ने गण्डा चुन्घन दे
   (जब कोए बालक दुसरे धोरे दो पोरी गंडे की मांग लेन्दा जब कह्या करदे )
5. एक एकम एक
   एक दूणी दो
   तू बूढ़े धोरे सो
   बूढ़ा मांगे सिरनी (प्रसाद)
   तू ठाडू -ठाडू रो
6. खाती का रे
   खाती का
   रहडुआ घडा दे
   पाती का
   बलध घडा दे
   काट का
   छोरा बहावे
   जाट का
   (या, माँ आपने बालक नु भलोण खातर कह्या करदी ,अक मन्ने खाती के तें तेरा रहडुआ बनावन की कह दी स )
7. चर्मक चूँ
   भाई चर्मक चूँ
   लाडो के सर में जूँ
   आ लाडो
   सर रगड़ दूं
   जूँ की कर दूं
   धम्मक धूँ
   ( माँ आपनी छोटी-छोटी बेटियाँ नु कह्या करदी जब वे बाल धुवान तें नाट जांदी )
8. एक छोरा झूठ बहका दिया
   तांगे में बिठा दिया...
   तांगा गया झाझर ,
   हमने खाई गाजर,
   गाजर में पाया हाउ,
   बांदर तेरा ताऊ!!
9. बोड़ा रे बोड़ा
   हांडी रोड़ा
   हांडी धरी
   कसाइयां के
   बोड़ा हंडे
   नाइयां के
   न्यान ने मार्या
   कूत्का
   बोड़ा हंडे
   लूकता
   (जब किस्से बालक के दांद पड़ जांदे जब ऊह ने चिडाया करदे )
10. शान्ति ए शान्ति
    गधे चरान्ति
    एक गधा लंगडा
    वो-ए तेरा
    बंदडा
    (छोटी-छोटी छोरी आपस में चिडाया करदी खासकर जिब किस्से का ना शान्ति हो )

बालक ने में छेड़ूँ कोन्या 
जवान मेरा भाई 
बुड्डे ने में छोडूँ कोन्या 
चाहे ओढ़ ले रजाई

मारूंगा कान प 
जागा दुकान प 
खाव्गा रेवड़ी
हागेगा जेवड़ी

लाडू पीदे सस्ते
मास्टरजी नमस्ते 
मास्टरजी ने मारा डंडा
हाथ पड़ गया ठंडा

ओ बेटे धारे 
तेरी माँ बेचे गुब्बारे
तेरा बाबु फोड़े सारे