Haryanwi Childhood Memories



  1. मांग्या तान्ग्या 
    कीकर पे टनग्याँ 
    कीकर पे सें शूल 
    चाटेगा धुल 
    जा कीकर पे तें तार ल्या 
    (जब अक बालक दुसरे तें किम्मे खावन की चीज माँगता हो एर ना देणा चांदा हो तो कयाह करें )
  2. एक एकम एक
    तेरा बाबु गुठा टेक
    तेरी माँ गोसे बगावे
    तेरा बाबु चुग- चुग लयावे
    चुगे स तो चुगान दे
    मन्ने गण्डा चुन्घन दे
    (जब कोए बालक दुसरे धोरे दो पोरी गंडे की मांग लेन्दा जब कह्या करदे )
  3. गंजा रे गंजा
    टेरम- टेर
    हाथ में खुलिया (होकी)
    बाछ्डू हेर
    बाछ्डू बड़ ग्या मोठां में
    मार गंजे के होठाँ में
    होंठ पड़े बरोली में
    गंजा पड्या खटोली में
    खटोली गई टूट
    गंजा गया रूस
    रूसे से तो रूसन दे
    मन्ने तम्बाकू कूटन दे
    (जब कोए बालक गंजा हो के आया करदा जब ऊह ने चिडान के मारे कह्या करदे )
  4. एक एकम एक
    तेरा बाबु गुठा टेक
    तेरी माँ गोसे बगावे
    तेरा बाबु चुग- चुग लयावे
    चुगे स तो चुगान दे
    मन्ने गण्डा चुन्घन दे
    (जब कोए बालक दुसरे धोरे दो पोरी गंडे की मांग लेन्दा जब कह्या करदे )
  5. एक एकम एक
    एक दूणी दो
    तू बूढ़े धोरे सो
    बूढ़ा मांगे सिरनी (प्रसाद)
    तू ठाडू -ठाडू रो
  6. खाती का रे
    खाती का
    रहडुआ घडा दे
    पाती का
    बलध घडा दे
    काट का
    छोरा बहावे
    जाट का
    (या, माँ आपने बालक नु भलोण खातर कह्या करदी ,अक मन्ने खाती के तें तेरा रहडुआ बनावन की कह दी स )
  7. चर्मक चूँ
    भाई चर्मक चूँ
    लाडो के सर में जूँ
    आ लाडो
    सर रगड़ दूं
    जूँ की कर दूं
    धम्मक धूँ
    ( माँ आपनी छोटी-छोटी बेटियाँ नु कह्या करदी जब वे बाल धुवान तें नाट जांदी )
  8. एक छोरा झूठ बहका दिया
    तांगे में बिठा दिया...
    तांगा गया झाझर ,
    हमने खाई गाजर,
    गाजर में पाया हाउ,
    बांदर तेरा ताऊ!!
  9. बोड़ा रे बोड़ा
    हांडी रोड़ा
    हांडी धरी
    कसाइयां के
    बोड़ा हंडे
    नाइयां के
    न्यान ने मार्या
    कूत्का
    बोड़ा हंडे
    लूकता
    (जब किस्से बालक के दांद पड़ जांदे जब ऊह ने चिडाया करदे )
  10. शान्ति ए शान्ति
    गधे चरान्ति
    एक गधा लंगडा
    वो-ए तेरा
    बंदडा
    (छोटी-छोटी छोरी आपस में चिडाया करदी खासकर जिब किस्से का ना शान्ति हो )




Share your views...

0 Respones to "Haryanwi Childhood Memories"

Post a Comment

Give Your Ideas Here

 

Our Partners

© 2010 All Type Jokes All Rights Reserved Subhash Mahla