All Type Jokes

एक बै एक जाट नै एक बाणियां तैं पईसे उधार ले राक्खे थे । घणे दिन हो-गे, उसतैं पईसे पाट्टे कोनी ।
बाणियां नै गाम कट्ठा कर लिया अर बोल्या - भाइयो, मेरे पईसे का जुगाड़ बिठवाओ । गाम आळे बोले - लाला जी, इसपै घणे पईसे उधार हो-गे, इसतैं सारे पईसे तै दिये नहीं जावैं, आधे पईसे छः महीने में दे देगा ।
बाणियां नै गाम आळां की बात मान ली अर जाट के आधे पईसे माफ कर दिये ।
छः महीने पाच्छै बाणियां जाट तैं फिर कहण लाग्या - भाई, तन्नैं वो पईसे देणे थे ।
जाट बोल्या - देख भाई, घणा तै बोल्लै मन्ना, आधे तै तेरे दे ए दिये - अर बाकी आधे तेरे न्यूं ऐं कदे दे दूंगा !!